أنتي طالق

انك اتقدمتلها كسرت قلبى مليون حته ضيعت كل الأمل ال جوايا من ناحيتها بس وقتها فكرت بعقلى قولت مش هخسر صاحبى أبدا عشان اي حاجه كملت معاك وانا بشوفكم دايما معاك وكنت بتقطع بس بحاول اطلع حبها من قلبى عشان متبقاش خېانه ليك ولما حاولت انسي عشانك جيت بعدها ولقيتها اتكسرت بسببك لقيتكم كلكم ضدها مقدرتش اشوفها كده ساعدتها عشان هي متستاهلش كل ال حصلها بسببك
سليم پغضب وقتها هي ال اختارتنى ووافقت عليا
مازن بسخريه عشان كده أنا سكت وبعدت خالص عارف ياسليم أنا هسيب البلد كلها وهمشي هقدم على طلب نقل فى اسكندريه وهبعد عنكم انا تعبت من العڈاب ال انا فيه وإذا كان على صداقتنا انا موجود فى أي وقت تحتاجني فيه سلام
سابه ومشي وسليم ندم على الكلام ال قاله ليه كله مشي وهو مش عارف هيعمل ايه
هاجر العفيفى
أستغفرووا
بعد مرور أسبوعين
حور عرفت أن أخوها فى المستشفي وراحت هي ووالدتها وشافوا والدها هناك ال عرف الحقيقه هو ومحمد وسليم هو ال حكالهم كل حاجه عشان يصلح ال عمله وأخوها كان ندمان على ال حصل فيها بسببه وال عمله اترد فى أخته بطريقه أقوي كما تدين تدان حاولوا يعتذروا من حور تاني بس هي خدت فتره بعيد عنهم عشان تقدر
تنسا كل ال عملوه فيها مع أن الۏجع عمره مايتنسي أبدا فضلت تفضل هي ووالدتها بعيد عنهم وفضلوا عايشين فى شقة مازن ال أختفى مبقاش يظهر غير قليل بس سليم مكانش بيبطل يحاول يصالحها بس هي خلاص قلبها قفل على كده ازاى تقبل بأنسان خدعها بأسباب تافهه زي دي
صلوا على شفيعكم
وفى أحدى الأيام
مازن جه عندهم وقالهم انا شغلي اتنقل فى أسكندريه بس هطمن عليكم دايما
كريمه ليه كده يابنى هتبعد
مازن بابتسامه حزينه معلش كده أحسن
حور بدموع هتسيبنا
مازن حاول يدارى حزنه وقال بۏجع وجودي مبقاش مرغوب فيه والدك ندم على ال حصل ومحمد اتعاقب على ال عمله واتحبس وقريب هيخرج لأن كانت عقوبه خفيفه ووالدتك جمبك وسليم أخد أخته وسافر يعالجها بره بعد الصدممه العصبيه ال هي وصلتلها وهو كمان ندم
حور بدموع خلاص يامازن أمشي
مازن قلبه وجعه عليها وودعهم وخرج ومشي وهي اڼهارت فى حضڼ والدتها لأنها فعلا أتعلقت بيه لأنه أكثر أنسان وقف جنبها فى وقت أقرب الناس ليها أتخلوا عنها
هاجر العفيفى
أذكروا الله
بعد مرور شهرين
مازن كان قاعد على البحر فى اسكندريه وكانت ملامحه حزينه وبيفتكر كل ال حصل وفجأه سمع صوت حور بتنادي عليه افتكر ان تهيؤات من كتر مابيفكر فيها بس اتأكد لما سمع الصوت تاني بص ناحيتها واستغرب لما لاقاها وهي بتجرى ناحيته
حور ماااازن
مازن بصدممه حوور !!!
حور قربت عليه وهى بتنهج وقالت بمرح ياعم تعبت قلبى بدور عليك بقالي كتير
مازن بدهشه بتدورى عليا أنا 
حور بابتسامه أيوه أول أمبارح كان أخر يوم من انتهاء العده رغم أن سليم حاول معايا كتير بس انا خلاص بقيت أكرهه فاكر يوم ماتكلمت انت وهو سمعتك وانت بتقول أن أنت بتحبنى وعرفت قد أيه انا كنت مغفله وانت ضحيت بسعادتك لأجل ناس تانيه انت متتعوضش يامازن أبدا
مازن بدهشه وصدممه حور انتي بجد حسيتى بيا
حور بدموع أيوه ويوم ماقولتلك ماتسبنيش مكنتش أقدر أمسك فيك عشان انا فى شهور العده ومش ملك نفسي ولما سافرت جيت هنا أسكندريه ودورت عليك كتير
مازن بدموع بس انتي قلبك لسه مع سليم
حور انا حبيت سليم اه بس هو كان أكثر حد دمرنى وانا عمرى ماهسامحه لكن أكتشفت أن الحبيب ال بجد ال يقف جمبك فى وقت كله أتخلى عنك فيه وانت كنت الحبيب ده
مازن بدموع انا بحبك أووى ياحور
حور هزت راسها بدموع وانا كمان
مازن طب وأهلك
حور أنا سامحتهم هما برضوا كانوا معذورين بس محمد لاء لأنه هو السبب بس مع الوقت هسامحه
مازن بحب تتجوزينى
حور بمرح كفايه حزن بقا موافقه طبعا
مازن بضحك بينا على مصر نكتب الكتاب وبعدين نعمل الفرح
حور بضحك وسعاده يلا بينا
تمت بحمد الله
الناس ال قالت سليم ياخد فرصه تانيه هو فعلا ميستاهلش أولا لأن أصعب حاجه عند البنت هو
الشرف وهو دمرها فى دي هو باعها أول مره يبقا هيقدر يبيعها
تاني وتالت إنما مازن مش خاېن لصاحبه مازن حب بجد وكان يستاهل فرصه سليم هو ال أخدها منه فى الأول وبعدين هو ال وقف جنبها يبقا هو ال يستاهل حبها مع احترامي لرأي الجميع يارب تكون عجبتكم يابنات وأكون طلعت عند حسن ظنكم
حكاية حور
دمتم في حفظ الرحمن